U dzień naradžeńnia Statkieviča ŭ turmie kryčali «Žyvie Biełaruś!»
«Mikoła viedaje pra vinšavańni, čuŭ salut».
21.08.2012 / 10:19
«Mikoła viedaje pra vinšavańni, čuŭ salut, prasiŭ dziakavać usim, chto pavinšavaŭ jaho, navat, kali nie ŭsie vinšavańni dajšli», — paviedamiła na svajoj staroncy ŭ Fejsbuku žonka palityka Maryna Adamovič.
«Darečy, kali byŭ salut, źniavolenyja kryčali „Ura“, „Pozdravlajem!“ i „Žyvie Biełaruś!“ Mnie pra toje kazali śviedki. Vielmi rada. I ščyra ŭdziačnaja!» — napisała žančyna.
My zapytalisia ŭ Maryny, jakija naviny jość ad Mikałaja Statkieviča?
«Jon atrymaŭ šmat vinšavańniaŭ: telehram, paštovak, listoŭ, chacia jaŭna nie ŭsie, što jamu dasyłalisia. Čuŭ salut i kryki inšych źniavolenych: „Vinšujem!“, „Ura!“ Heta stałasia dla mianie pryjemnaj niečakanaściu — pra jaho dzień narodzinaŭ viedali ŭ turmie», — adznačyła Maryna. Taksama jana paprasiła pieradać słovy ŭdziačnaści ad Mikałaja Statkieviča ŭsim tym, chto pavinšavaŭ jaho, vykazaŭ słovy padtrymki.