U mietro ź sierady možna budzie raspłacicca bankaŭskaj kartkaj
03.09.2012 / 21:15
AAT«BPS-Aščadbank» realizuje prajekt pa asnaščeńni stancyj Minskaha mietrapalitena terminałami dla apłaty prajezdu z vykarystańniem bankaŭskich kart.
Z 5 vieraśnia karystalnikam mietrapalitena budzie prapanavana sistema raźlikaŭ za pajezdki z dapamohaj kartki. Ciapier apłacić prajezd u mietro budzie mahčymym biez vykarystańnia najaŭnych hrošaj. Novaja pasłuha na pieršym etapie realizavana dla pasažyraŭ samaj zahružanaj stancyi — «Kastryčnickaja». Paźniej buduć padklučany astatnija stancyi.
Da raźlikaŭ prymajucca karty płaciežnych sistem, jakija šyroka vykarystoŭvajucca ŭ Biełarusi, pačynajučy ad nacyjanalnaj sistemy «BiełKart» i zakančvajučy mižnarodnymi Visa i MasterCard. Pry hetym bankaŭskaja kamisija pa hetych apieracyjach nie źbirajecca.