Aktyvist «Havary praŭdu!» asudžany na 10 sutak
06.09.2012 / 10:59
Aktyvist maładziožnaha kryła kampanii «Havary praŭdu!» «Zmiena» Jahor Viniacki asudžany na 10 sutak administracyjnaha aryštu,paviedamiŭ lidar «Zmieny» Pavieł Vinahradaŭ.
Pavodle jaho słoŭ, vyrak Viniackamu vyniesieny sudom Pieršamajskaha rajona Minska pa artykule 17.1 Kodeksa ab administracyjnym pravaparušeńni.
«Nibyta jon łajaŭsia matam u hramadskim miescy», — paviedamiŭ Vinahradaŭ.
Nahadajem, 5 vieraśnia, u 13.30 u kvateru da Viniackaha pryjšli supracoŭniki milicyi. Farmalnaj padstavaj dla vizitu milicyjanieraŭ było praviadzieńnie vobysku, adnak nieviadoma, ci vystaŭlali Viniackamu adpaviednuju pastanovu. U vyniku aktyvista pavieźli va UUS Pieršamajskaha rajona stalicy, u jaho była kanfiskavana drukavanaja pradukcyja.
Vinahradaŭ miarkuje, što zatrymańnie źviazana z vybarami ŭ pałatu pradstaŭnikoŭ i kampanijaj pa bajkocie vybaraŭ u Frunzienskaj vybarčaj akruzie № 101, jakuju pravodziać «Zmiena», «Havary praŭdu!», ruch «Za Svabodu» i Partyja BNF. Pavodle słoŭ Vinahradava, Viniacki źjaŭlajecca davieranaj asobaj kandydata ŭ deputaty ad Partyi BNF Arcioma Lavy, jaki bałatujecca pa