U DTZ u Vałožynskim rajonie atrymali traŭmy piaciora čałaviek

U tym liku dvoje dziaciej.

06.09.2012 / 11:19

Piaciora čałaviek, u tym liku dvoje dziaciej, paciarpieli ŭ darožna-transpartnym zdareńni ŭ Vałožynskim rajonie.

Jak paviedamili ŭ adździaleńni infarmacyi i hramadskich suviaziej UUS Minskaha abłvykankama, DTZ adbyłosia 5 vieraśnia kala 12.30 niepadalok ad vioski Rudnia.

36-hadovy kiroŭca nie spraviŭsia z kiravańniem aŭtamašyny «Folksvahien Vienta», źjechaŭ u kiuviet i ŭrezaŭsia ŭ dreva.

U vyniku avaryi atrymali cialesnyja paškodžańni i byli špitalizavanyja ŭ Vałožynskuju centralnuju rajonnuju balnicu kiroŭca lehkavoha aŭtamabila, jaho žonka 1983 hoda naradžeńnia, ich dzieci — 9-hadovaja dziaŭčynka i 8-hadovy chłopčyk, a taksama jašče adna pasažyrka 1991 hoda naradžeńnia, jakaja taksama znachodzicca ŭ adpačynku pa dohladzie za dziciem.