Na 15-hodździe MF sabralisia maładafrontaŭcy roznych pakaleńniaŭ
6 vieraśnia Małady front adznačyŭ svoj jubilej.
06.09.2012 / 20:19
Na pyšnyja zały dla śviatkavańnia raźličvać nie vypadała, tamu placoŭka była abranaja siadziba Partyi BNF.
Na 15-hodździe Maładoha Frontu sabralisia roznyja pakaleńni.
Viali viečarynu Nasta Pałažanka, u strohaj čornaj sukiency, i Mikoła Dziemidzienka, u pinžaku i džynsach.
Ivan Šyła - maładafrontaviec-2008 - prajšoŭ praz kryminalny i dziasiatki administratyŭnych sudoŭ.
Ich słovy.
Viačasłaŭ Daškievič, tata palitviaźnia Źmitra Daškieviča, pryjšoŭ na imprezu z kiječkam. Pakul syn u turmie, jon pachavaŭ žonku i zmahajecca z rakam.
Pavinšavać Małady Front pryjšoŭ adzin z ajcoŭ-adnaŭlalnikaŭ niezaležnaści Stanisłaŭ Šuškievič.
Małady Front paŭstaŭ jak reakcyja na pahrozu niezaležnaści.
Nasta Pałažanka čakaje z turmy kachanaha - lidara Maładoha Frontu Źmitra Daškieviča.
Uładzimir Niaklajeŭ vinšavaŭ maładafrontaŭcaŭ.
Alaksiej Janukievič sam byŭ u arhanizacyi i navat niejki čas uznačalvaŭ jaje.
Maładafrontaŭka Taćciana Šapućka pryjšła na viečarynu nie adna.
U dvarach la Čarnyšeŭskaha stajali dziŭnyja ludzi ź videakamierami. Blizka nie padychodzili, filmavali zdalok.Na hanku siadziby Nasta Pałažanka i Stanisłaŭ Šuškievič, što pryjšoŭ junakoŭ pavinšavać, razdajuć intervju. Danosicca Naściny słovy, što «represii nie spyniać dziejnaść».
U samim budynku na ścienach raźviešanyja raznakalarovyja arkušyki ź imionami byłych maładafrontaŭcaŭ i ichnimi słovami ab «MF» — Jaŭhien Skočka, Jaŭhien Afnahiel, Źmicier Daškievič. Upryhožanaja zała šarykami z vyjavaj arhanizacyi.
Uładzimir Niaklajeŭ ciopła abniaŭsia z tatam Źmitra Daškieviča. Spadar Viačasłaŭ pryjšoŭ na imprezu z kijočkam, z usimi vielmi pryjazna vitaŭsia.
«Kali pieršy raz na syna była zaviedzienaja kryminalnaja sprava ŭ sakaviku 2006, a ŭ lipieni jaho vypuskali ŭ Amieryku. Jasna, što chacieli, kab nie viarnuŭsia. Ja taksama raiŭ nie viartacca, bo viedaŭ, što pasadziać, ale Źmicier admoviŭsia. Skazaŭ, davaj zakryjem hetuju temu», — raskazaŭ Viačasłaŭ Daškievič.
Impreza spaźniałasia chvilin na dvaccać, niekaha čakali. Viadučyja Nasta Pałažanka, u strohaj čornaj sukiency, i Mikoła Dziemidzienka, u pinžaku i džynsach. «Dziakuj Bohu, što Małady front
«15 hadoŭ — uzrost ciažki. My dzieści skončyli dziaviaty kłas», — pažartavaŭ Mikoła. Potym jon ža karacieńka raskazaŭ pra historyju arhanizacyi. Niekatoryja hieroi tych padziej prysutničali ŭ zali — Alaksiej Janukievič, Alaksiej Šein, Siaržuk Bachun, Ivan Šyła. A voś Paŭła Sieviarynca i Źmitra Daškieviča być nie mahło, kolišni i ciapierašni staršyni «MF» adbyvajuć terminy za Płošču.
«Uładzimir Prakopavič, nie viedaju, jak chto, ale ja hatovy iści da kanca», — pieradavaŭ słovy Źmitra Daškieviča pierad Płoščaj Uładzimir Niaklajeŭ.
Lidar kampanii «Havary praŭdu» paraŭnaŭ Daškieviča z Kastusiom Kalinoŭskim.
Na ściency taksama byli płakaty ź imionami palitviaźniaŭ — Mikoła Statkievič, Źmicier Daškievič, Pavieł Sieviaryniec, Eduard Łobaŭ. Naprykancy imprezy ludzi padychodzili da ich, kab pisać svaje zyčeńni hetym ludziam. Maładafrontaŭcy paabiacali dasłać heta listami.
Była zapačatkavanaja premija «Maładafrontaviec hoda», jaje mohuć atrymlivać, jak siońniašnija, tak i byłyja aktyvisty arhanizacyi. Siońnia ŭznaharody atrymali piatnaccać čałaviek (na 15 hadoŭ dziejnaści).
1997 — Jaŭhien Skočka, 1998 — Alaksiej Janukievič, 1999 — Valancin Stefanovič, 2000 — Alaksiej Šein, 2001 — Alona Vałyniec, 2002 — Vital Supranovič, 2003 — Siaržuk Lisičonak, 2004 — Siaržuk Bachun, 2005 — Artur Fińkievič, 2006 — Źmicier Daškievič, 2007 — Źmicier Chviedaruk, 2008 — Ivan Šyła, 2009 — Taćciana Šapućka, 2010 — Eduard Łobaŭ, 2011 — Kasia Halickaja.
Maładafrontaŭcam piatnaccacihodździa staŭ Pavieł Sieviaryniec.
«Kolki b mnie hadoŭ ni było, ale zaŭsiody budu ličyć siabie maładafrontam», — skazaŭ Siaržuk Bachun.
«Ja hanarusia, što ŭ majho syna takija siabry», — zaznačyła mama Eduarda Łobava, jakaja atrymlivała premiju za syna.
Skončyłasia impreza sałodkim stałom.