Яўген Васьковіч выйшаў з карцара
Пра гэта паведаміла маці вязня. Больш звестак пра сына яна не мае.
12.09.2012 / 09:29
«Учора я званіла ў калонію, і мне сказалі, што вызвалілі сына з карцара. Але як пачуваецца, што далей, — нічога не ведаю. Ліста пакуль не атрымала».
Яўген Васьковіч асуджаны на 7 гадоў зняволення за спробу падпалу будынка Бабруйскага КДБ. Яго залічылі ў «злосныя парушальнікі турэмнага рэжыму» і за год ужо некалькі разоў змяшчалі ў карцар.