Суд у Германіі вырашыць, ці ратаваць еўра канстытуцыйна
12.09.2012 / 10:28
Канстытуцыйны суд Германіі вырашыць у сераду, ці адпавядае асноўнаму закону краіны намер урада ўдзельнічаць у новым фондзе па выратаванні еўразоны.
Інстанцыя атрымала каля 40 тысяч скаргаў, у якіх жыхары настойваюць на неабходнасці рэферэндуму. Многія немцы здзіўленыя тым, што новы фонд будзе кіравацца агульнаеўрапейскімі органамі.
Суд таксама вынесе рашэнне па бюджэтнай дысцыпліне ў еўразоне.
Суд, відаць, прыме станоўчае рашэнне наконт пытання ўдзелу ў фондзе, бо ў адваротным выпадку, еўрапейскія фондавыя рынкі можа чакаць абвал.