Пракуратура цікавіцца крыніцамі «Прэсбола»

Галоўны рэдактар папулярнага спартыўнага выдання быў выкліканы ў пракуратуру Мінска.

13.09.2012 / 09:32

Прычынай выкліку стала жаданне пракуратуры высветліць, адкуль «Прэсбол» даведаўся пра бюджэт хакейнага клуба «Дынама-Мінск». Уладзімір Беражкоў спаслаўся на артыкулы 34 і 39 Закона «Аб сродках масавай інфармацыі» і адмовіўся паведаміць крыніцы звестак. З якой мэтай пракуратура гэтым цікавіцца, пакуль застаецца таямніцай, адзначае «Прэсбол».

Нагадаем, у красавіку газета паведаміла, што гадавы бюджэт хакейнага клуба «Дынама-Мінск» за каляндарны 2011 год склаў амаль 24 мільёны даляраў.