Дырэктар фірмы атрымаў хабар у 250 тыс. даляраў

13.09.2012 / 11:54

Следчым камітэтам Беларусі распачата крымінальная справа за атрыманне хабару ў буйным памеры ў дачыненні да дырэктара аднаго са сталічных камерцыйных прадпрыемстваў.

Як паведамілі ў праваахоўных органах, кіраўнік прадпрыемства падазраецца ў тым, што ў жніўні-верасні гэтага года падбухторваў прадстаўнікоў замежнага інвестара да давання хабару і атрымаў у якасці незаконнага ўзнагароджання 250 тысяч даляраў за спрыяльнае вырашэнне пытання аб заключэнні дагавора.

Крымінальная справа распачата паводле матэрыялаў службы па барацьбе з эканамічнымі злачынствамі ГУУС Мінгарвыканкама.