У Мінску пачаўся продаж квіткоў на матчы БАТЭ у Лізе чэмпіёнаў — фота

Вялікага ажыятажу няма, трэба адстаяць паўгадзіны.

13.09.2012 / 12:18

Размеркаванне сектараў на «Дынама»

Прыярытэт пры набыцці білетных пакетаў на матчы групавога этапа Лігі чэмпіёнаў маюць уладальнікі сезонных абанементаў на хатнія матчы БАТЭ, сябры Клуба заўзятараў, а таксама тыя, хто наведаў на стадыёне «Дынама» матч плэй-оф з ізраільскім «Хапаэлем» і захаваў білет. Яго і трэба паказаць у касе.

Матч з «Баварыяй» адбудзецца 2 кастрычніка, «Валенсіяй» — 23 кастрычніка, «Лілем» (20 лістапада).

Білеты прадаюцца трох цанавых катэгорый: 200 тыс. 450 тыс., 700 тыс. рублёў

1-я катэгорыя — сектары 1, 2, 12, 13, 14, 15, 28, 29;

2-я катэгорыя — сектары 3, 4, 10, 11, 16, 17, 26, 27 [у Мінску прадаюцца білеты на 11, 26 і 27 сектары — НН];

3-я катэгорыя — сектары 5, 6, 7, 8, 9, 18, 19, 20, 21, 22, 23, 24, 25.

У суботу пачнецца продаж білетаў усім ахвотным.