Васьковіч адседзеў 30 дзён карцару: схуднелы, змораны, але моцны
Яўген просіць, каб яму пісалі, бо такая падтрымка вельмі важная.
13.09.2012 / 12:43
Сталі вядомыя падрабязнасці апошніх 1,5 месяца з жыцця палітвязня, сябра БХД Яўгена Васьковіча.Пра іх распавёў адвакат зняволенага, сустрэўся з ім 10 верасня пасля працяглых адмоваў у сустрэчы пад рознымі надуманымі прычынамі.
Паводле яго, Яўген Васьковіч адседзеў у карцары 30 дзён — тры разы па дзесяць дзён з 2 жніўня да 1 верасня.Першы раз ён патрапіў у карцар за тое, што спаў удзень, два другія — за непадпарадкаванне супрацоўнікам калоніі.
Пасля карцару палітвязень выглядае блёклым, схуднелым і змораным.
Яўген паведаміў таксама, што апошнія паўгады атрымлівае лісты толькі ад маці і бабулі. Да яго не даходзяць нават лісты ад іншых сваякоў.
Разам з тым ён просіць працягваць пісаць яму і дасылаць заказныя лісты, бо для яго нават такая падтрымка вельмі важная.
Яўген Сяргеевіч Васьковіч, 212011, г. Магілёў, вул. Крупскай, 99а, турма № 4;