Miron adznačaje Dzień hierba i bieł-čyrvona-biełaha ściaha

Minułaj nočču na vysakavoltnaj linii elektrapieradač niedaloka ad pasiołka Ruba pad Viciebskam źjaviŭsia bieł-čyrvona-bieły ściah.

19.09.2012 / 12:53

Pavodle vidavočcaŭ, jon pravisieŭ da samaj ranicy i byŭ dobra bačny z šašy, pa jakoj chodzić bahata hramadskaha transpartu.

Viciebski apazicyjanier Barys Chamajda, spasłaŭšysia na daśviedčanyja krynicy, pracytavaŭ źmiest cydułki, prymacavanaj da ściaha:

«19 vieraśnia 1991 hoda lehitymny parłamient Biełarusi zaśviedčyŭ dziaržaŭnym hierbam staražytny hierb „Pahonia“, a dziaržaŭnym ściaham — bieł-čyrvona-bieły histaryčny ściah. Z hetaj simvolikaj my adbudujem našu dziaržavu! Žyvie Biełaruś! Žyvie viečna! Miron».