Rasija viartaje zimovy čas

20.09.2012 / 13:30

Kiraŭnik kamiteta Dziarždumy Rasii pa achovie zdaroŭja Siarhiej Kałašnikaŭ u čacvier unios u Dziarždumu zakonaprajekt ab pierachodzie krainy na zimovy čas,

paviedamlaje Bi-Bi-Si.

Pry hetym Kałašnikaŭ prapanavaŭ admianić siezonny pieravod strełak paśla čarhovaha pierachodu na zimovy čas u kastryčniku hetaha hoda. Deputat miarkuje, što zakonaprajekt moža być nieŭzabavie uchvaleny parłamientaryjami.

Letam 2011 hoda prezident Rasii Dźmitryj Miadźviedzieŭ padpisaŭ zakon ab admienie pierachodu na zimovy i letni čas. Śledam za Rasijaj zimovy čas admianiła i Biełaruś,

i z kanca kastryčnika pa kaniec sakavika roźnica ŭ časie pamiž Minskam i Vilniaj, Minskam i Kijevam stała składać 1 hadzinu, a z Varšavaj, Prahaj, Bierlinam -- dźvie hadziny. Heta pryniesła šerah niazručnaściaŭ, naprykład, futbolnym zaŭziataram. Tak, matčy Lihi čempijonaŭ u Jeŭropie stali pačynacca ŭ 22:45.