Fotafakt: tak vyhladaje lehkavik paśla «sustrečy» ź dzikom
Avaryja adbyłasia ŭnačy 29 vieraśnia na trasie Brest—Minsk—miaža RF niepadalok ad vioski Zornaje Baranavickaha rajona.
01.10.2012 / 19:27
Dzik udaryŭsia ŭ dźviery kiroŭcy.
Hetyja paškodžańni aŭto atrymała ad udaru ŭ raździalalnuju aharodžu.
Jak paviedamiŭ «Intex-press» načalnik ADAI Baranavickaha RAUS Andrej Kučura, dvoje žycharoŭ Homiela jechali na aŭtamabili «Ford-Ka» u bok Bresta, kali raptam źleva naprava im napiarejmy vybiehli dvoje dzikoŭ.
Adna žyviolina paśpieła praskočyć, a druhaja ŭrezałasia prosta ŭ dźviery kiroŭcy. Ad udaru małalitražku stała krucić na darozie, a paśla vykinuła na raździalalnuju aharodžu.
U vyniku DTZ dzik zahinuŭ na miescy. 25-hadovamu kiroŭcu i 27-hadovamu pasažyru aŭto spatrebiłasia dapamoha miedykaŭ.