U Rasii «žyhul» z pjanymi vajskoŭcami prataraniŭ carkvu — fota

Aŭto pavisła na trochmietrovaj vyšyni.

08.10.2012 / 18:19

Ranicaj 8 kastryčnika o chram, raźmieščany na terytoryi pasiołka Zarečča kala Miasa (Čalabinskaja vobłaść), na vializnaj chutkaści ŭrezaŭsia aŭtamabil VAZ-2114. Mašyna spačatku vylecieła na aharodžu, jakaja syhrała dla lehkavuški rolu tramplina, z-za čaho aŭto padskočyła ŭvierch, urezałasia ŭ draŭlanuju ścianu z boku ałtara i pavisła ŭ prajomie na trochmietrovaj vyšyni.

Pa słovach miascovych žycharoŭ, u «VAZie» byli dvoje vajskoŭcaŭ, jany «byli vidavočna niecviarozyja». Ź ciažkimi traŭmami abodva špitalizavanyja.

U momant avaryi ŭ chramie išła ranišniaja słužba. Protaijarej Jury, jak słužyŭ, za paru chvilin da zdareńnia adyšoŭ ad zvyčajnaha miesca la ałtara, što vyratavała jamu žyćcio. Nichto ź viernikaŭ nie paciarpieŭ.