Anton Astapovič padaje ŭ sud na ministra Łatušku

08.10.2012 / 20:44

Staršynia Biełaruskaha dobraachvotnaha tavarystva achovy pomnikaŭ historyi i kultury Anton Astapovič źbirajecca padavać u sud na čynoŭnikaŭ Ministerstva kultury Biełarusi.
Ab hetym jon zajaviŭ 8 kastryčnika na pres-kanfierencyi, pryśviečanaj vykanańniu Ministerstvam kultury zakanadaŭstva ŭ sfiery achovy historyka-kulturnaj spadčyny.

Jak paviedamiŭ Astapovič, čynoŭniki ministerstva nie vykonvajuć zakon «Ab achovie historyka-kulturnaj spadčyny Respubliki Biełaruś» i pastanovu Savieta ministraŭ ad 15 červienia 2006 hoda № 762, jakija harantujuć kožnaj jurydyčnaj i fizičnaj asobie prava padavać ŭ Ministerstva kultury prapanovy ab nadańni statusu historyka-kulturnaj kaštoŭnaści materyjalnym abjektam i niemateryjalnym prajavam tvorčaści čałavieka.

Astapovič zaznačyŭ, što «prava harantavanaje, ale čynoŭniki Minkulta navat i nie dumajuć jaho zabiaśpiečyć».

Taksama jon paviedamiŭ, što čynoŭniki Ministerstva kultury ihnarujuć prapanovy tavarystva achovy pomnikaŭ pa ŭklučeńni ŭ śpis historyka-kulturnych kaštoŭnaściej Biełarusi ab`iektaŭ, jakija pavinnyja tam być: «Pa 18 abjektach my nie atrymali nijakaha adkazu, choć čynoŭniki abaviazanyja dać adkaz ciaham vyznačanaha terminu. Heta vidavočnaje parušeńnie, i ja budu padavać za heta ŭ sud».

«Čamuści ministerstva nie zacikaŭlenaje ŭ davańni niekatorym ab`iektam statusu historyka-kulturnaj kaštoŭnaści.
Kali ŭ ab`iekta jość taki status, tady my majem prava jurydyčna patrabavać vykanańnia peŭnych norm. Ale pakul mnohim kulturnym ab`iektam taki status nie nadadzieny, my ich paprostu hublajem: kali budynak pazaminułaha stahoddzia nie ŭniesieny ŭ śpis, jaho mohuć zrujnavać, nie parušyŭšy zakanadaŭstva. Pakul Ministerstva kultury nie pačnie nadavać značnym dla historyi budynkam adpaviedny status, my budziem ich stračvać», — adznačyŭ Astapovič.