Łukašenka: «Euronews ja zaŭsiody hladzieŭ, jakuju tam hadaść pra nas skažuć»
08.10.2012 / 23:26
Alaksandr Łukašenka daść intervju brytanskaj haziecie The Independent. Pra heta jon paviedamiŭ u hutarcy z karespandentam miždziaržaŭnaj telekampanii «Mir» 4 kastryčnika (frahmienty byli pakazanyja 7 i 8 kastryčnika).
Łukašenka nazvaŭ «Mir» svaim lubimym kanałam. «Ja jaho siońnia hladžu bolš, čym Euronews, — skazaŭ jon. — Euronews ja zaŭsiody hladzieŭ, jakuju tam hadaść pra nas skažuć, kab być u kursie i reahavać».
Biełaruski kiraŭnik hladzić «Mir»,
«dzie ja, kiraŭnik dziaržavy, moh by daviedacca, što robicca ŭ Tadžykistanie, dzie kiruje krainaj moj siabar Emamali Rachmon.A ŭklučajučy „Mir“, ja nie tolki tam siužet čuju, razmovu žurnalista, temu, ale i baču, što na zadnim płanie adbyvajecca, jak raźvivajecca, što ŭ Dušanbe. Ja dobra viedaju ž hetyja harady, niemałady palityk», — zajaviŭ Łukašenka.