Chrosny chod u honar cudatvornaha abraza
24 krasavika u chrosny chod u honar Białynickaj Maci Božaj ad Mahilova da Białyničaŭ vypravilisia kala dźviuch sotniaŭ pravasłaŭnych chryścijanaŭ.
25.04.2007 / 10:36
24 krasavika z Mahilova ŭ rajonny centr Białyničy pajšli pravasłaŭnyja chryścijanie. Ich kala dźviuch socień, za dva dni viernikam treba prajści 40 kilametraŭ.
Akcyja arhanizavana ŭ honar abraza Białynickaj Maci Božaj, jaki sa staražytnaści ludzi ličyŭsia cudatvornym. Sam abraz daŭno stračany, ale zachavalisia śpisy ź jaho. Pravasłaŭnyja ličać, što i jany pazbaŭlajuć ludziej ad horaściaŭ i chvarobaŭ. Na čale chrosnaha choda vierniki niasuć darevalucyjny śpis abraza.
25 krasavika ŭ Białyničach adbudziecca ŭračystaja Boskaja liturhija.
— Ja i ŭsie ŭdzielniki chrosnaha choda žadajuć ludziam, kab u ich dušach było ciopła i ŭ sercach žyła luboŭ, — havoryć śviaščeńnik Sierhij Biełavus, jaki idzie z chrosnym chodam.
Da revalucyi 1917 hoda chrosnyja chady ŭ honar Białynickaj Božaj maci pravodzilisia štohod. Ciapier pravasłaŭnaja carkva choča adradzić hetuju tradycyju.
Fota Pravoslavie.by