Hadzińnik Miaśnikoviča kaštuje $37 tysiač - fota

Heta ŭdvaja daražej za hadzińnik Łukašenki.

19.11.2012 / 14:31

Šviejcarski Girard-Perregaux Vintage 1945. Kalibr GP 3300, ružovaje zołata. Kalekcyja 2011 hoda.

Hadzińnik u minskaj kramie.

Jašče adzin hadzińnik Miaśnikoviča.

Prezidenty i ich hadzińniki. Infahrafika radyjo «Svaboda».

Błohier Viktar Mališeŭski daviedaŭsia, kolki kaštuje hadzińnik prem'jer-ministra krainy Michaiła Miaśnikoviča, ź jakim toj pryjšoŭ na Biełaruski inviestycyjny forum. Zdymak hadzińnika zrabiŭ fatohraf Anton Matolka.

«I što vy dumajecie? Heta šviejcarski Girard-Perregaux Vintage 1945. Kalibr GP 3300, ružovaje zołata. Kalekcyja 2011 hoda.
Vydatny vybar, tak, — piša Mališeŭski. — I košt ništo sabie.
Taki ja ŭ Minsku znajšoŭ u kramie na Kamsamolskaj, kaštuje jon u nas 317 796 800 rubloŭ.
Nie samy, darečy, darahi ŭ toj kramie», — dadaje jon. Kali pieraličyć u dalary, atrymlivajecca bolš za $37 tysiač.
Heta ŭdvaja daražej za hadzińnik Patek Philippe Calatrava 5120j, jaki naležyć Alaksandru Łukašenku.
Praŭda, da miljaniera Juryja Čyža jamu ŭsio adno daloka. Toj nosić hadzińnik, daražejšy za $400 tysiač.

Miarkujučy pa fota na ŭradavym sajcie, Girard-Perregaux Vintage 1945 — nie adziny hadzińnik prem'jer-ministra.