Makiej voźmie ŭdzieł u pasiadžeńni SMZS SND u Ašchabadzie

29.11.2012 / 14:55

4 śniežnia ŭ Ašchabadzie (Turkmienistan) adbudziecca pasiadžeńnie Savieta ministraŭ zamiežnych spraŭ dziaržaŭ — udzielnic SND (SMZS SND), udzieł u jakim voźmie ministr zamiežnych spraŭ Biełarusi Uładzimir Makiej.

Jak paviedamiŭ 29 listapada na bryfinhu pres-sakratar MZS Andrej Savinych, na pasiadžeńni płanujecca abmierkavać pytańni humanitarnaha supracoŭnictva, dakumienty pa ŭzajemadziejańni ŭ śfiery kultury, sportu, turyzmu, achovy navakolnaha asiarodździa.

Pavodle jaho słoŭ, asablivaja ŭvaha budzie nadadziena pahłybleńniu rehijanalnych suviaziaŭ u humanitarnaj śfiery i arhanizacyi biaśpieki.

«Baki abmiarkujuć płan mierapryjemstvaŭ u śfiery humanitarnaha supracoŭnictva na 2013–2014 hady, jaki pavinien stać praktyčnym instrumientam kaardynacyi šmatbakovaha ŭzajemadziejańnia ŭ śfierach kultury, adukacyi, navuki, infarmacyi, masavych kamunikacyj, sportu, achovy zdaroŭja, turyzmu», — paviedamiŭ Savinych.

U płan uklučany mierapryjemstvy, pryśviečanyja hałoŭnaj temie 2013 hoda, jaki stanie Hodam ekałahičnaj kultury i achovy navakolnaha asiarodździa. Biełaruskaja delehacyja vystupić ź inicyjatyvaj ab padrychtoŭcy pahadnieńnia, što tyčycca supracoŭnictva pa achovie navakolnaha asiarodździa. Inicyjatyva ŭklučaje ŭ siabie ideju adnaŭleńnia miždziaržaŭnaha ekałahičnaha savieta dla kaardynacyi sumiesnaj pracy pa vykanańni rašeńniaŭ, što prymajucca vyšejšymi orhanami Sadružnaści.