«Imitatar»
TV, 16 traŭnia 2007, sierada
Psychapatalahičny trymcieńnik z Syhurni Ŭiver i Holi Hanter…
16.05.2007 / 07:34
BT, 22.05
Imitatar (Copycat)
ZŠA, 1995, kalarovy, 125 chv.
Režyser: Džon Emieł
Roli vykonvajuć: Syhurni Ŭiver, Holi Hanter, Dermat Małruni, Bili Maknamara, Džon Rotman
Žanr: Psychapatalahičny trymcieńnik
Adznaka: 7 (z 10)
Paśla napadu mańjaka sudovaja psychijatarka Hielen Hadsan (Syhurni Ŭiver) baicca adkrytaj prastory – i voś užo hod nie pakidaje kvatery. A na vulicach San-Francyska źjaŭlajecca seryjny zabojca, jaki imituje złačynstvy znakamitych psychapataŭ. I mienavita Hadsan moža dapamahčy śledčaj (Holi Hanter) złavić imitatara. Ale nichto nie padazraje, što palavańnie idzie za samoj Hielen i heta jana – mišeń dla mańjaka…
Zakručany siužet, strachatlivyja detali (adsiečany palec, čyrvonaja sukienka, pierarezanaje horła, prystupy nieprytomnaści)… Ale najbolšaja “nervovaja” vynachodka karciny – paradaksalny duet Syhurni Ŭiver i Holi Hanter. Niepieramožnaja hierainia “Čužych” pradstaŭlena biezabaronnaju, a Holi Hanter, jakaja była miłaju (“Zaŭždy”) i zahłyblena-niamotnaju (“Pijanina”) – u henaj karcinie ŭsia – čałaviek dziejańnia.
Vysokaja (i słabaja) Syhurni Ŭiver i maleńkaja (enerhičnaja) Holi Hanter, jakija zmahajucca sa złom, – heta krochki i amal hrateskny atrakcyjon, jaki dadaje tradycyjnaj žanravaj historyi soli .