Kanhres demsiłaŭ: kamunisty suprać udziełu piśmieńnikaŭ
PKB vystupiła suprać udziełu ŭ Kanhresie demakratyčnych sił piśmieńnikaŭ, pradstaŭnikoŭ intelihiencyi, byłyja palitykaŭ, navukoŭcaŭ.
21.05.2007 / 18:45
Na pasiedžańni Palityčnaj rady abmiarkoŭvaŭsia ŭdzieł u Kanhresie demakratyčnych siłaŭ VIP-asobaŭ, siarod jakich piśmieńniki, pradstaŭniki intelihiencyi, byłyja palityki, navukoŭcy.
Na pasiedžańni Palityčnaj rady abmiarkoŭvaŭsia ŭdzieł u Kanhresie demakratyčnych siłaŭ VIP-asobaŭ, siarod jakich piśmieńniki, paety, pradstaŭniki intelihiencyi, byłyja palityki, navukoŭcy. Kožny subjekt kaalicyi pradastaviŭ svaje prapanovy nakont asobavaha składu VIP-śpisu. Rašeńnie pa kožnym musiła prymacca kansensusam.
Vincuk Viačorka, pradstaŭnik Partyi BNF u Palitradzie, pa daručeńni palityčnaj kamisii Partyi BNF, zaklikaŭ padtrymać usich VIP-asobaŭ. Adnak Partyja kamunistaŭ Biełaruskaja vystupiła suprać udziełu ŭ kanhresie ŭsich pavažanych asobaŭ, tym samym sarvaŭšy hałasavańnie. Heta značyć, viadomyja asoby nia budu mieć mahčymaści ŭziać udzieł u Kanhresie.
«Vielmi važna j maralna, što siońnia ŭdałosia ŭchvalić status delehataŭ Kanhresu za palityčnymi viaźniami, — kamentuje Vincuk Viačorka. — Ale ja nadzvyčaj zasmučany tym, što Partyja kamunistaŭ Biełaruskaja pryniała rašeńnie nia vykarystać i nia dać inšym mahčymaści vykarystać kvotu pavažanych asobaŭ na Kanhresie. Takim čynam, Uładzimier Arłoŭ, Ryhor Baradulin, Lavon Barščeŭski, Halina Siamdzianava, Valer Mazynski j inšyja nia mienš viadomyja j pavažanyja ludzi nia buduć delehatami Kanhresu. Biezumoŭna, heta źnižaje vartaść Kanhresu demakratyčnych siłaŭ, bo hetyja ludzi, VIP-asoby, zaśviedčyli svaju hramadzianskuju pazycyju praz svaju čynnaść».