Andrej Chadanovič. Uschvalavana, ščyra, intymna rodnaj krainie ŭ jakaści himna

---

Andrej Chadanovič

Uschvalavana, ščyra, intymna
rodnaj krainie ŭ jakaści himna

 

Vynies i etu dorohu žieleznuju…

M.Niakrasaŭ

 

Zyrka-čyrvony zranieny ranak

sokam tamatnym zapłakaŭ iznoŭ.

Luby abrańnik

zhryzie abaranak

i baranićmie

svaich baranoŭ.

Śviežyja kraski

na mohiłkach kraści –

ścipły darunak ad česnych ludziej.

Ružy j lilei pojduć za ščaście!

My – biełarusy,

ty – naš dabradziej!

Vioŭ karabiel naš praz bury j hajdanku

i nie chavaŭ hałavy ŭ kapiušon:

mudramu Dante

i mužnamu Danku

ščyra padziakujem my:

“Dankie šon!”

Siły hartuje lud biełaruski:

źviedali smak samahniotu j zakuski,

pakaštavali šproty i šrot.

Słava tabie, biełaruski narod!

Chaj uvieś śviet pieratravić tvoj straŭnik –

viedy z Ryhviedy i dyni z bachčy.

Chaj najmudrejšy pad soncam nastaŭnik

nas navučaje,

a mnie nie zmahčy.

Budzie, Vaniatka, vyniatkavy vynik –

fajna ŭ kambajnie lacieć biez rysor!

Dziorzki chaleryk i žvavy sanhvinik

nas paviaduć cieraź cierni da zor!

Ludcy, darujcie! I'm sorry, suzorji!

Vybačcie nonsens i kiepski pranons.

Chaj nie psuje vam nikoli nadvorja

moj nienadziejny niaŭčasny prahnoz.

Chaj zahučać vam niabiosnyja sfery

i z apramietnaj – niašachmatny mat.

U papiarednich chapiła papiery –

i spadkajemiec nia pojdzie na spad.

Śpielačy višni Ałłahu i Kryšnu,

chleb naš nadzionny jon mieŭ na stale.

Vyniesie ŭsio, što pašle Ŭsiavyšni,

vyniesie ŭsio,

a niazhodnych – pašle!