ekanamičnaja chronika

21.03.2003 / 13:00

21 Sakavika

Malcaŭ u Emiratach

Biełaruskaja delehacyja ŭziała ŭdzieł u Mižnarodnaj abaronnaj vystavie «IDEX-2003» u Abu-Dabi (Abjadnanyja Arabskija Emiraty). Ministar abarony Leanid Malcaŭ pravioŭ pieramovy z kiraŭnikami vajskovych viedamstvaŭ Alžyru, Małajzii, Sudanu, Jemenu, AAE. Vynikam sustrečaŭ mohuć stać kantrakty na pastaŭku ŭzbrajeńniaŭ.

Prypyniajecca rost kvartpłaty?

Ministerstva ekanomiki paabiacała bolš nie padvyšać sioleta taryfaŭ na kamunalnyja płaciažy. Adnak ich indeksacyju adpaviedna rostu cenaŭ buduć pravodzić jak i raniej, štomiesiac.

Vyvozić možna 3 tysiačy

Urad padvysiŭ u dva razy limit najaŭnaj valuty, dazvolenaj dla vyvazu za miažu biez daviedki. Raniej jon składaŭ 1,5 tys. dalaraŭ, ciapier — 3 tysiačy. Heta adbyłosia paśla adpaviednaha kroku Rasiei.

Biełaruski naftachołdynh

Kancern «Biełnaftachim» vysunuŭ ideju stvaryć chołdynh na bazie pradpryjemstvaŭ, što ŭvachodziać u jaho skład. U planach kancernu stvaryć vertykalna intehravanuju strukturu, u jakoj kiravać finansavymi płyniami «Družby», «Naftanu» i «Biełaruśnafty» budzie adzinaja dziaržaŭnaja struktura. Kali heta adbudziecca, naftapravodnyja pradpryjemstvy zhubiać kantrol nad svaimi prybytkami.

Kaniec abdzirałaŭki ŭ Pinsku

Kanstytucyjny sud pryznaŭ niezakonnaj pastanovu Pinskaha harsavietu, zhodna ź jakoj žychary miesta pavinny byli płacić miascovyja zbory pry zasialeńni ŭ novuju kvateru, afarmleńni dazvołu na vyjezd za miažu ci na pradprymalnickuju dziejnaść, kuplańni aŭto. Harvykankam dy padatkovaja inspekcyja musiać viarnuć ludziam niezakonna spahnanyja hrošy.

Abmiežavanaja dziejnaść čatyroch bankaŭ

20 sakavika čatyry banki pazbavilisia prava prymać hrošy na ŭkłady ad fizyčnych asobaŭ — «Biełaruski narodny», «Biełaruski industryjalny», «Absalutbank» dy «RRB-Bank». Bo ŭłasny kapitał kožnaha ź ich mienšy za 10 młn. eŭra.

«Jubilejka» stała prezydenckaj

Staličny hatelny kompleks «Jubilejny» pierajšoŭ u padparadkavańnie Kiraŭnictva spravaŭ prezydenta. Raniej im kiravała Ministerstva sportu i turyzmu praź «Bielinturyst».

Ekspart pierasoŭnych tualetaŭ

U sakaviku MAZ pastavić u Sankt-Pieciarburh 12 aŭtobusaŭ z tualetami. Meryja Picieru zamoviła hetyja tak zvanyja «sanitarna-hihijeničnyja» aŭtobusy admysłova dla śviatkavańnia 300-hodździa horadu.

«Majkrasoft» rasščodryŭsia

Kampanija «Majkrasoft» upieršyniu z času svajho zasnavańnia vypłačvaje akcyjaneram dyvidendy. Ich ahulny abjom składzie 850 miljonaŭ dalaraŭ. Prybytak na adnu akcyju — 8 centaŭ. Bił Hiejts, samy bujny akcyjaner kampanii, atrymaje 97 miljonaŭ dalaraŭ. «Majkrasoft» jašče nikoli nie płaciŭ dyvidendaŭ, aščadžajučy hrošy na novyja technalahičnyja raspracoŭki dy pahašeńnie šmatlikich sudovych vydatkaŭ.