«Kommiersant»: Biełarusi pradyktavali ŭmovy atrymańnia rasiejskaha kredytu
03.07.2007 / 11:02
Na pieramovach z premjeram Biełarusi Siarhiejem Sidorskim 29 červienia rasiejski bok vystaviŭ novyja ŭmovy atrymańnia dziaržaŭnaha kredytu ad Rasiei, piša infarmavanaja rasiejskaja hazeta «Kommiersant».
Biełarusy ŭźniali zapytvanuju sumu z $1,5 młrd do $2 młrd. Sidorski abhruntoŭvaŭ patrebu ŭ kredycie stratami biełaruskaj ekanomiki ad rostu cenaŭ na naftu j haz.
Rasiejski bok vystaviŭ u jakaści ŭmovaŭ vydzialeńnia kredytu źmianšeńnie vytrataŭ biudžetu — tak, kab hety kredyt staŭ apošni, kab kraina była zdolnaja raźličycca pa im u budučyni.
Adnak za hetym patrabavańniem, piša «Kommiersant», staić inšaje. Rasieja patrabuje ad Biełarusi pryvatyzacyi prybytkovych pradpryjemstvaŭ. Rasiejcaŭ, jakija ŭžo atrymali «Biełtranshaz» i šerah pierapracoŭčych pradpryjemstvaŭ, ciapier cikaviać «Naftan», Mazyrski NPZ, «Palimir», «Biełšyna», «Horadniaazot», «Biełaruśkalij».
Rasiejski premjer Michaił Fradkoŭ reziumavaŭ pieramovy zajavaj, što mahčymaść kredytavańnia Biełarusi «razhladajecca», ale «heta patrabuje peŭnaha času i ŭvažlivaha staŭleńnia». Termin nastupnych pieramovaŭ nie nazyvajecca.