Na litoŭskim telebačańni bolš nia budzie rasiejščyny
Rada Litoŭskaha nacyjanalnaha telebačańnia i radyjo pahadziłasia z prapanovaj začynić adzinuju rasiejskamoŭnuju telepieradaču. Pryčyna – nadzvyčaj nizki rejtynh.
04.07.2007 / 19:13
Adzinaj na litoŭskim telebačańni pieradačaj pa-rasiejsku byŭ štodzionny dziesiacichvilinny vypusk navinaŭ. Nahodaj dla admovy ad tranślacyi adzinaj rasiejskamoŭnaj pieradačy staŭ jaje nizki rejtynh – kala 1%. Litoŭskaja statystyka śviedčyć, što etničnyja rasiejcy składajuć 6% ad ahulnaj kolkaści nasielnictva krainy.
U Radu ŁNTR uvachodziać pradstaŭniki parlamentu, prezydenta i ŭradu, niedziaržaŭnych i tvorčych arhanizacyjaŭ. Nahadajem, što ŭ sakaviku 2006 h. Kamisija pa radyjo i telebačańni Litvy zabaraniła tranślacyju pa kabelnych sietkach prahramaŭ Biełaruskaha telebačańnia. Tuju zabaronu litoŭski bok patłumačyŭ raspaŭsiudam biełaruskim telebačańniem vialikaj kolkaści dezinfarmacyi ŭ dačynieńni da Litvy.