Як паведамляе gazeta.pl, выпадак адбыўся 3 снежня каля 6 гадзіны ранку, калі аўтобус з боку Гродна пад’язджаў да Беластока.
З невядомых прычынаў кіроўца страціў кіраванне транспартам, і той перакуліўся. Пяць чалавек змаглі самі пакінуць мікрааўтобус, астатнім дапамаглі гэта зрабіць выратавальнікі. У выніку аварыі два чалавекі трапілі ў шпіталь, іншыя атрымалі дапамогу на месцы.