У пятніцу — снег: днём 0 — мінус 6°С

Паводле прагнозу Рэспубліканскага гідраметэацэнтра, у найбліжэйшыя суткі будзе пераважаць воблачнае надвор’е. На большай частцы тэрыторыі краіны снег, мокры снег. Ноччу і раніцай па ўсходняй палове, днём па Віцебскай вобласці моцны снег. Па ўсходзе краіны слабы галалёд, месцамі наліпанне мокрага снегу. У асобных раёнах мяцеліца, на дарогах галалёдзіца. Ноччу і раніцай па паўднёвым захадзе месцамі туман. Вецер ноччу пераменных напрамкаў, днём заходні 5–10 м/с, месцамі парывы да 14 м/с.

Тэмпература паветра на працягу сутак 0 — мінус 6, ноччу па Брэсцкай і Гродзенскай абласцях пры праясненнях мінус 7–9°С.

У Мінску ў найбліжэйшыя суткі часам снег, слабая мяцеліца. Ноччу і раніцай моцны снег. Месцамі на дарогах галалёдзіца. Вецер ноччу пераменных напрамкаў, днём заходні 5–10 м/с, парывы да 12 м/с. Тэмпература паветра цягам сутак мінус 1–3°С.

У наступныя двое сутак па Беларусі воблачна з праясненнямі. 8 снежня месцамі, пераважна па паўночна-заходняй палове, кароткачасовы снег. На асобных участках дарог галалёдзіца. Вецер заходні 3–8 м/с. Тэмпература паветра ноччу мінус 3–9°С, пры праясненнях да мінус 12°С, днём мінус 2–7°С. 9 снежня ноччу па Віцебскай вобласці, днём месцамі па паўднёвай палове кароткачасовы снег. На асобных участках дарог галалёдзіца. Вецер паўднёвай чвэрці 3–8 м/с. Тэмпература паветра ноччу мінус 6–12°С, пры праясненнях да мінус 16°С, днём мінус 3–8°С.

БелаПАН

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ