Баланс па нафце на бліжэйшым пасяджэнні саюзнага Савета міністраў, якое плануецца правесці 12 снежня ў Маскве, падпісаны не будзе.Пра гэта паведаміў журналістам дзяржсакратар Саюзнай дзяржавы Беларусі і Расіі Рыгор Рапота 10 снежня на брыфінгу ў Мінску. «Баланс па нафце пакуль не гатовы, але гэта пытанне будзе абмяркоўвацца», — сказаў ён.
Расія і Беларусь дагэтуль не ўзгаднілі аб’ёмы паставак нафты і вяртання выпрацаваных з яе на беларускіх НПЗ нафтапрадуктаў.Раней паведамлялася, што абмяркоўваецца пастаўка ў Беларусь у 2013 годзе 18,5 мільёна тон нафты, а вяртанне нафтапрадуктаў у РФ павінен скласці 2,1 мільёна тон.
Прадстаўнікі Беларусі заявілі, што ў жніўні экспарт растваральнікаў і разбавіцеляў быў спынены. Паводле неафіцыйнай інфармацыі, падчас перамоў аб умовах пастаўкі нафты ў чацвёртым квартале 2012 года і ў 2013 годзе прадстаўнікі РФ прапанавалі Беларусі кампенсаваць расійскаму бюджэту страты ад «растваральнага» бізнесу, якія ацэньваюцца ў 1,5 мільярда долараў.Пры гэтым расійскія чыноўнікі выказвалі занепакоенасць тым, што Беларусь экспартуе нафтапрадукты пад выглядам разбавіцеляў і растваральнікаў, каб адысці ад уплаты экспартных пошлін у бюджэт Расіі.
Рапота паведаміў, што на пасяджэнні саюзнага Саўміна, якое пройдзе 12 снежня ў Маскве, будуць разгледжаныя 33 пытанні.
«Паколькі пасяджэнне Саўміна праходзіць у канцы года, мы задумваемся, як працавалі, над чым сканцэнтраваць увагу ў наступным, вызначыцца з прыярытэтамі», — сказаў саюзны чыноўнік.
