Наста Палажанка, якая ў апошнія дні 2012 года стала ўрэшце афіцыйна Настай Дашкевіч, атрымала ў чацвер, 3 студзеня, прыемны сюрпрыз ад сяброў, знаёмых, а таксама незнаёмых дзяўчатаў.
Пасля таго, як доўгачаканы шлюб стаў магчымым і нарэшце адбыўся, сябры Насты праз сацыяльныя сеткі спантанна згаварыліся арганізаваць ёй сяброўскі пасаг.Праз сеціва спярша былі далучаныя некалькі дзяўчатаў, якія падключылі сваіх сябровак, а таксама і хлопцаў. У выніку Наста Дашкевіч мае цяпер горку падарункаў.
Працэс рыхтаваўся ў поўнай таямніцы ад галоўнай яго ўдзельніцы. Наста забегла ў чацвер днём ў кавярню на звычайны абед з сябрам, але там яе чакалі людзі з падарункамі, кветкі і жывая музыка.
0
0
0
0
0
0
