У дзіцячых садках выхавальнікам і іх памочнікам дадаткова аплацяць догляд выхаванцаў.Гэта прадугледжана пастановай Міністэрства адукацыі Беларусі ад 26 лістапада 2012 года № 132 «Аб унясенні дапаўнення і змяненняў у пастанову Міністэрства адукацыі Рэспублікі Беларусь ад 12 чэрвеня 2002 года № 24 «Аб устанаўленні пераліку і памераў даплат работнікам устаноў адукацыі за асобныя віды работ».
Пастанова афіцыйна апублікавана 4 студзеня на Нацыянальным прававым партале pravo.by. Яна набыла моц 1 студзеня 2013 года.
Дакумент прадугледжвае дадатковую аплату догляду выхаванцаў дашкольных устаноў: для выхавальнікаў у памеры 15% ад тарыфнай стаўкі першага разраду, для іх памочнікаў — у памеры 10%.
На гэты час тарыфная стаўка першага разраду ў Беларусі складае 240 тысяч рублёў.
Адпаведна, выхавальнікі змогуць атрымаць дадаткова 36 тысяч рублёў, іх памочнікі — 24 тысячы рублёў.
0
0
0
0
0
0
