На цэнтральнай плошчы Барысава юнак займаўся сэксам з дрэвам 38

У Барысаве арыштаваны юнак, які зладзіў занадта брудныя танцы на цэнтральнай плошчы горада.

На днях у інтэрнэце з’явілася відэа, на якім нейкі малады чалавек у голым выглядзе скача на галоўнай плошчы горада Барысава.

Барысаўскія праваахоўнікі ўстанавілі асобу «арыгінала», пасля чаго суд вынес яму пакаранне ў выглядзе 15 сутак адміністрацыйнага арышту.

«Як высветлілася, 2 студзеня два прыяцелі Г. і С., 16-ці і 21-года адпаведна, жыхары Барысава, выпіўшы на двух 0,7 літра віна, адправіліся на цэнтральную плошчу роднага горада ў пошуках прыгод, — паведамляе прэс- служба УУС Мінаблвыканкама.

— Будучы пад хмелем, у старшага нарадзілася ідэя праславіцца, танцуючы стрыптыз у грамадскім месцы. Пры гэтым, на думку С., папулярнасць павінна была прыйсці да яго пасля паказу гэтага дзейства на сайце youtube.

Пад модную песню «Gangnam style» С. распрануўся дагала і на вачах шакаваных відавочцаў, кажучы казённай мовай пратаколу, «здзяйсняў зваротна-паступальныя рухі тазам у бок туі».

Пры гэтым яго сябар Г. здымаў усё, што адбываецца на камеру мабільнага тэлефона.

Тым жа вечарам Г. выклаў відэаролік з танцам С. у інтэрнэт, на сваю старонку сацыяльнай сетцы «Укантакце»…

Міліцыя знайшла танцора. Суд Барысаўскага раёна прысудзіў яго «да адміністрацыйнага арышту на 15 сутак, якое С. зараз адбывае ў ізалятары часовага ўтрымання Барысаўскага РУУС».

Народная воля

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ