Расія разлівае 18 лютага пачаць сумесны з Беларуссю кантроль падкаранціннай прадукцыі трэціх краін, паведаміла прэс-служба Рассельгаснагляду.
У рэлізе ад 25 студзеня адзначаецца, што ў адпаведнасці з пратаколам нарады "Аб урэгуляванні праблемных пытанняў, звязаных з ажыццяўленнем каранціннага фітасанітарнага кантролю падкаранціннай прадукцыі паходжаннем з трэціх краін, якая паступае ў Расійскую Федэрацыю праз пункты пропуску на беларускім участку мяжы Мытнага саюза" ад 6 снежня 2012 года, расійскі і беларускі бакі прыйшлі да высновы аб неабходнасці ажыццяўлення сумеснага кантролю ў Беларусі і Расіі ў месцах мытнага афармлення, з якіх падкаранцінная прадукцыя накіроўваецца на тэрыторыю дзяржаў — членаў Мытнага саюза.
У гэтай сувязі Рассельгаснагляд "прасіў беларускі бок вызначыць месцы мытнага афармлення, з якіх падкаранцінная прадукцыя накіроўваецца на тэрыторыю Расійскай Федэрацыі і ў якіх мэтазгоднае правядзенне сумеснага кантролю".
Акрамя таго, Рассельгаснагляд звярнуўся пісьмова ў Міністэрства сельскай гаспадаркі і харчавання Беларусі і прапанаваў для сумеснага кантролю на тэрыторыі Расіі шэраг месцаў мытнага афармлення падкаранціннай прадукцыі, у тым ліку размешчаных у портах Краснадарскага краю, бо праз указаныя порты на тэрыторыю Расіі ўвозяцца буйныя партыі падкаранціннай прадукцыі, якая пасля перамяшчаецца па ўсёй тэрыторыі Мытнага саюза і ўяўляе "патэнцыяльную небяспеку ў каранцінных фітасанітарных адносінах" для тэрыторыі Беларусі. Як лічаць у Рассельгаснаглядзе, вопыт сумеснай працы ў марскім порце быў бы карысны для беларускіх спецыялістаў пры распрацоўцы адзінай нарматыўнай прававой базы Мытнага саюза ў межах Еўразійскай эканамічнай камісіі.
У выпадку атрымання згоды Мінсельгасхарча Беларусі
пачатак правядзення сумеснага кантролю плануецца 18 лютага 2013 года.
6 снежня 2012 года Рассельгаснагляд заявіў пра "сур'ёзную заклапочанасць" той акалічнасцю, што значная частка паркаранцінных грузаў, якія паступаюць на тэрыторыю мытнай прасторы, не праходзіць адпаведнай праверкі. "Так, з 15 па 25 лістапада пры правядзенні Рассельгаснаглядам унутранага маніторынгу, выяўлена 86 транспартных сродкаў з непарушанымі пломбамі краін-пастаўшчыкоў, што сведчыць аб тым, што груз у іх не правяраўся пры перасячэнні дзяржаўнай мяжы Беларусі. Пры гэтым у пяці транспартных сродках выяўлена заражэнне зрэзаных кветак хрызантэм і руж кветкавым трыпсам і тытунёвай белакрылкай.
