У Камянецкім раёне ратавальнікі выцягнулі з калодзежа 20-гадовага хлопца.
Як паведаміў прэс-сакратар Брэсцкага абласнога ўпраўлення МНС Сяргей Машноў, 26 студзеня ў 10.04 у Камянецкі райаддзел па надзвычайных сітуацыях паступіла інфармацыя, што
на хутары каля вёскі Сушкі ў калодзеж упаў чалавек.
Ратавальнікі, якія прыбылі праз 15 хвілін, пры дапамозе штурмавой лесвіцы дасталі 20-гадовага брэстаўчаніна з занесенага снегам калодзежа. Дыяметр калодзежа 1 м, глыбіня — 4 м.
Маладога чалавека агледзела выкліканая брыгада хуткай медыцынскай дапамогі. У шпіталізацыі ён не меў патрэбы. Паводле слоў хлопца,
ён упаў у калодзеж, калі ішоў на паляванне.
0
0
0
0
0
0
