Аляксандр Лукашэнка разам з малодшым сынам ускладае вянок на Плошчы Перамогі, 23 лютага 2013 г.
«Хачу падкрэсліць: калі хтосьці з бізнэменаў будзе фінансаваць «пятую калону» ці нейкім іншым спосабам аказваць негатыўны ўплыў на грамадства, то я буду лічыць, што яны ўключыліся ў палітычную барацьбу, у барацьбу супраць дзяржавы. А там — свае законы. Потым хай не крыўдзяцца такія бізнесмены»,— заявіў Лукашэнка сёння на нарадзе па дзейнасці Рады па развіцці прадпрымальніцтва ў Беларусі.
І не прыйдзецца разважаць пра негатыўны імідж бізнесменаў», — сказаў ён.Ён адзначыў, што нормай жыцця для прадпрымальнікаў павінны быць удзел у сацыяльных праграмах. «Тады людзі будуць вас паважаць.
Лукашэнка распавёў, што адмыслова прасіў сфармаваць раду без удзелу дзяржслужачых і чыноўнікаў, за выключэннем старшыні, каб гэтая структура не была «кішэннай». «Вы — людзі, што адбыліся ў бізнэсе. І для мяне вельмі важна чуць ваша меркаванне па найбольш актуальных пытаннях
Прычым мне асабліва цікавы альтэрнатыўны пункт гледжання, адрозны ад пункту гледжання ўрада і іншых чыноўнікаў», — сказаў ён.
Ён адзначыў, што чакае ад удзельнікаў нарады прапаноў, але не па прыватных, а па агульных пытаннях, па тых, якія павінен вырашаць прэзідэнт ці на якія ён павінен звяртаць асаблівую ўвагу. «Кіраўніком рады прызначаны Пётр Пятровіч Пракаповіч. У яго прамая сувязь з кіраўніком дзяржавы. Так што прашу быць больш дзейснымі, каб краіна атрымлівала рэальную карысць ад вашай работы», — сказаў Лукашэнка.
«Пятай калонай» Аляксандр Лукашэнка называе ўсіх нязгодных са сваім кіраваннем.
