Тура Бергер выйграла Вялікі крышталёвы глобус у біятлоне, Домрачава зноў другая 9

Тура Бергер пасля хек-трыку ў Халменколене

На этапе Кубка свету па біятлоне Дар’я Домрачава ў мас-старце ў нарвежскім Халменколене 3 сакавіка Дар’я Домрачава заваявала бронзу (+23,3)

Золата трэці дзень запар выйграла Тура Бергер (Нарвегія) — 36,58,8. Другое месца ў Анастасіі Кузьміной (Славакія, +5,4).

У агульным заліку Кубку свету ў Туры Бергер — 1 069 балаў, у Домрачавай — 748.

У Андрэа Хенкель — 699 балаў, у Алены Підгрушнай — 671.

Улічваючы, што да канца Кубку свету засталося пяць індывідуальных дысцыплінаў, Бергер стала недасягальнай для іншых (за перамогу даецца 60 балаў), выйграўшы Вялікі крышталёвы глобус.

Год таму ВКГ выйграла Магдалена Нойнер з вынікам 1 216 балаў, Домрачава была 2-й з 1 188 баламі.

Сёлета ж Бергер датэрмінова выйграла Малы крышталёвы глобус у гонках пераследу і лідзіруе ў заліку спрынтаў, мас-стартаў і інд. гонак

.

З 7 па 10 сакавіка пройдзе этап Кубка свету ў Сочы (індывідуальныя гонкі, спрынт, эстафета), а з 14 па 17 сакавіка ў Ханты-Мансійску (спрынт, гонка пераследу, мас-старт).

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ