Пачаўся афіцыйны двухдзённы візіт у Беларусь прэзідэнта Сербіі Таміслава Нікаліча. Каля трапа высокага госця позна ноччу сустрэў міністр замежных спраў Беларусі Уладзімір Макей.
На 12 сакавіка запланаваны перамовы Аляксандра Лукашэнкі і Таміслава Нікаліча ў вузкім і пашыраным складах. Бакі абмяркуюць беларуска-сербскія адносіны. Чакаецца, што па выніках перагавораў будзе падпісаны шэраг двухбаковых дакументаў.
13 сакавіка запланаваныя сустрэчы сербскай дэлегацыі з бізнэс-коламі Беларусі, наведванне розных аб'ектаў і прадпрыемстваў у Мінску.
Цікава, што Сербія і далучылася да санкцый ЕС супраць лукашэнкаўцаў, увяла адпаведныя візавыя абмежаванні. Пры гэтым нацыяналіст Нікаліч палічыў патрэбным наведаць Мінск з візітам, хоць рашэнні Еўрасаюза прадугледжваюць забарону на кантакты з беларускім кіраўніцтвам.
0
0
0
0
0
0