Зусім нечакана, але з вялікай прыемнасцю для гісторыкаў, свядомых беларусаў і простых жыхароў Берасця, на скрыжаванні вуліц Савецкая і Маякоўскага, на будынку ювелірнай крамы «Жамчужына» усталяваны вялікі бронзавы памятны знак у гонар атрымання ў 1390 годзе горадам Берасця першым сярод беларускіх гарадоў магдэбурскага права на самакіраванне.
У cярэдзіне помніка нібы на папірусе з пячаткай месціцца вытрымка з самаго прывілея: «Даруем на вечнасць права гарадское магдэбурскае, адхіляючы іншыя правы польскія, літоўскія і рускія і ўсе іншыя звычаі, якія былі б не ўзгоднены з правам гарадскім магдэбурскім». А па краях знака выгравіраваныя даты атрымання беларускімі гарадамі Магдэбургскага права, першым стаіць 1390 — год надання шаноўнага права Берасцю.
