Ацяпленне ў кватэрах адключаць у красавіку 4

Адключэнне ацяплення ў беларускіх кватэрах запланавана на сярэдзіну красавіка.

Аб гэтым паведаміў начальнік упраўлення энергетыкі і навукова-тэхнічнага развіцця Міністэрства жыллёва-камунальнай гаспадаркі Вячаслаў Шміт.

«Нягледзячы на ​​анамальна снежны і халодны для Беларусі сакавік, падача цяпла ў кватэры беларускіх сем’яў традыцыйна будзе прыпынена ў сярэдзіне красавіка.

Калі прааналізаваць адключэнне ацяплення ў Мінску, а гэта цэнтральная частка Беларусі, то за апошнія сем гадоў падача цяпла ў жылы фонд беларускай сталіцы спынялася менавіта з сярэдзіны красавіка. Толькі ў халодны асенне-зімовы ацяпляльны сезон 2010/2011 года ацяпленне было адключана ў Мінску 21 красавіка, а ў цёплы сезон 2007/2008 года — 11 красавіка», — адзначыў начальнік упраўлення.

Згодна з шматгадовымі назіраннямі, першай прымае рашэнне аб адключэнні ацяплення ў жылых дамах Брэсцкая вобласць, следам за ёй — Гомельская.

Сканчаецца ацяпляльны сезон у Віцебскай вобласці, дзе падача цяпла звычайна спыняецца ў канцы красавіка. Вядома ж, многае залежыць ад умоваў надвор’я, аднак у сярэднім працягласць ацяпляльнага перыяду ў Беларусі складае 185 дзён, і наўрад ці гэты год стане выключэннем, сказаў Вячаслаў Шміт.

Таксама начальнік упраўлення нагадаў, што ў краіне з 2013 года адключэнне ацяплення будзе ажыццяўляцца згодна з новымі умовамі. Так, пачынаючы з гэтага года, падача цяпла будзе прыпыняцца, калі сярэднесутачная тэмпература вонкавага паветра на працягу трох дзён будзе трымацца на ўзроўні плюс 8 градусаў і вышэй.

Раней падставай для адключэння ацяплення з’яўлялася захаванне названай тэмпературнай нормы на працягу пяці дзён.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ