Жодзіна стаў трэцім па багацці горадам у Беларусі 1

У студзені 2013 сярэдні заробак у Жодзіна склаў $609.

За месяц жыхары горада пабагацелі амаль на $30. І гэта пры тым, што ва ўсіх астатніх гарадах абласнога падпарадкавання і раёнах Беларусі пасля традыцыйнага снежаньскага балявання сталі плаціць менш.

Паводле падлікаў Белстата,

у Мінску ў студзені работнікам у сярэднім было налічана $661, а ў Наваполацку — $648.

Жодзіна ідзе ўслед за імі, апярэджаючы астатнія буйныя населеныя пункты. Найлепшы сярод абласных цэнтраў — Гродна ($535).

Сярод раёнаў па-ранейшаму наперадзе Салігоршчына (уключна з Салігорскам). У студзені тут зараблялі $719.

Услед Мінскі раён ($591) і Мазырскі ($542).

У аўтсайдарах зноў Браслаўшчына ($336).

Трохі лепш сітуацыя ў Свіслацкім ($341) і Слаўгарадскім ($344) раёнах.

Ягор Марціновіч

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ