Лукашэнка: Я прыехаў з далёкага і няпростага рэгіёна 4

Развіццё ваеннага складніка АДКБ і сітуацыя ў яе зоне адказнасці былі абмеркаваныя 28 сакавіка на сустрэчы Аляксандра Лукашэнкі з генеральным сакратаром Арганізацыі Дамовы аб калектыўнай бяспецы Мікалаем Бардзюжам.

«Мы на правільным шляху. Я прыехаў з далёкага і няпростага рэгіёну Паўднёва-Усходняй Азіі. Ведучы перамовы, сустракаючыся са службовымі асобамі, я адзначаў, што ўсё ўсюды з гонарам кажуць пра тое, што аб’ядноўваюцца ў саюзы, пакуль гандлёвыя, гандлёва-эканамічныя.

Але калі ёсць супольныя інтарэсы, то не далёкі той час, калі ім давядзецца (палітыка, натуральна, варта за эканомікай) прэвентыўна абараняць уласныя інтарэсы і ваенным чынам», — сказаў Аляксандр Лукашэнка.

«Таму ўвесь свет аб’ядноўваецца ў такія арганізацыі, не толькі ў рэгіёне Паўднёва-Усходняй Азіі, — працягнуў Лукашэнка. — Будучы ўжо ў рэгіёне Персідскага заліву, сустракаючыся са службовымі асобамі, я ад іх тое ж самае чуў, што краіны Заліву дамаўляюцца, у іх агульная мытная прастора, адзіная эканамічная палітыка. Ну, а як краіны Заліву ўмеюць калектыўна абараняцца, мы ўжо гэта бачылі на прыкладзе Бахрэйна. Калі сітуацыя ўскладнілася, Саудаўская Аравія дапамагла, дый іншыя краіны».

«Я гэта кажу пра тое, што нам няма чаго саромецца казаць пра тое, што ў нас ёсць ваенная арганізацыя і мы будзем усяляк яе ўмацоўваць. Думаю, пад гэтым лозунгам павінна прайсці і наша нефармальная сустрэча ў Кыргызстане», — адзначыў Лукашэнка.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ