Хакей. Канадскі трэнер зборнай Германіі павіншаваў нашу каманду з перамогай, прамовіўшы па-беларуску 13

Галоўны трэнер зборнай Германіі Пэт Картына падсумаваў вынік таварыскай сустрэчы супраць каманды Беларусі (3:4 буліты).

— Віншую майго калегу [сказаў па-беларуску]! :) Гэта быў добры таварыскі матч. Беларуская зборная выдатна каталася ў першым перыядзе, перайграла нас. Але пасля перапынку ўжо мы ўцягнуліся ў гульню, сталі дзейнічаць хутчэй, больш упэўнена, пачалі з’яўляцца моманты.

— Хто вам сказаў, як будзе «віншую» па-беларуску?

— Спытаў у беларусаў:), цытуе словы Картыны Goals.by.

Пэт Картына (Pat Cortina) нарадзіўся ў 1964 г. у канадскім Манрэалі. Мае італьянскія карані.

Прессбол дадае, што напярэдадні гульні Картына цікавіўся:

«У вас жа ёсць беларуская мова? Ці ўсё размаўляюць толькі на рускай?».

На адказ «У асноўным на рускай, але ёсць і беларуская…» Картына заўважыў: «Вось як… Я гэта і меў на ўвазе, калі згадаў пра нацыянальны гонар! Людзі ганарацца тым, хто яны такія, адкуль родам…»

nn.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ