На выставе «ТІБО-2013» Robotics.by сумесна з Аб'яднаным інстытутам праблем інфарматыкі паказалі некалькі прататыпаў мадэляў універсальных мабільных робатаў на гусенічных шасі.
Робаты могуць кіравацца як па Wi-Fi або спецыяльным пратаколам XBee PRO, так і з дапамогай пульта дыстанцыйнага кіравання або з дапамогай смартфона.
З дапамогай інфрачырвонага датчыка робаты ўмеюць не толькі распазнаваць наяўнасць перашкоды, але і тып перашкоды: сцяна, прыступка, калона... На робатах можа ўсталёўвацца відэакамера і гуказапіснае абсталяванне, а таксама дадатковыя сэнсары і датчыкі пры жаданні заказчыка.
Таксама робаты могуць аснашчацца галасавой сістэмай. Распрацоўка АІПІ паведамляе аб тыпе перашкоды на беларускай мове.
Плата кіравання на базе мікракантролера Amtel — уласная распрацоўка Robotics.by. Карэспандэнтам паказалі і першую, пілотную версію платы, сабраную літаральна «на каленках».
Робаты прызначаюцца для навучальнага працэсу і для «тэхнаманаў», але могуць ужо ў найбліжэйшай будучыні быць выкарыстаны ў навуковых і нават ваенных мэтах.
0
0
0
0
0
0
