Здарэнне адбылося 30 красавіка, за два дні да адкрыцця парку імя Перамогі, піша «Рэгіянальная газета».
30 красавіка вечарам, каля 19:50 школьнікі, якія гулялі ў парку, знайшлі там гранату Ф-1. Яны расказалі пра гэта нараду дэпартамента аховы, які праязджаў непадалёк.
Яны паведамілі пра гранату ў райаддзел міліцыі. Міліцыя — у ваенкамат, адкуль і паступіла паведамленне ў МНС.
Потым паведамленне пра гранату накіравалі ў Мінск, у групу размініравання спецпадраздзялення «Алмаз». Каля 22 гадзін «Алмаз» прыехаў і знішчыў яе.
Пра гэта распавёў Сяргей Гладкі, намеснік начальніка па дзяржаўнай сістэме папярэджання і ліквідацыі надзвычайных сітуацый і па грамадзянскай абароне маладзечанскага гаррайаддзела па надзвычайных сітуацыях.
Якіх часоў граната, пакуль не ўдакладняюць.