На гэтым тыдні спякота пакіне Беларусь, але надвор'е застанецца няўстойлівым — дажджы будуць выпадаць рознай інтэнсіўнасці і вельмі нераўнамерна, нават у межах аднаго населенага пункта.
У аўторак надвор'е будзе вызначацца ўплывам франтальных раздзелаў, атмасферны ціск будзе слаба падаць. Ноччу месцамі, а днём на большай частцы тэрыторыі Беларусі пройдуць кароткачасовыя дажджы, у асобных раёнах — навальніцы. У начныя і ранішнія гадзіны месцамі чакаецца слабы туман. Тэмпература паветра ноччу 10—17°С, днём 20—26°С.
У сераду і чацвер атмасферны ціск крыху падрасце і навальнічных воблакаў будзе менш. Месцамі пройдуць кароткачасовыя дажджы, днём у асобных раёнах — навальніцы. Тэмпература паветра ноччу чакаецца ад 7 да 14°С, днём 18—24°С, па Гомельскай вобласці да 26°С.
У пятніцу ў зоне вялікіх кантрастаў тэмператур над Міжземным морам чакаецца ўтварэнне актыўнага цыклона, які будзе рухацца ў паўночным напрамку цераз Польшчу. У пятніцу і суботу гэты атмасферны віхар будзе асноўным надвор'естваральным фактарам для Беларусі: на большай частцы тэрыторыі пройдуць дажджы, месцамі, у асноўным па захадзе краіны, дажджы будуць моцнымі. У асобных раёнах рэспублікі пройдуць навальніцы, падчас якіх магчымыя шквалістыя ўзмацненні ветру. Тэмпература паветра ноччу чакаецца 9—16°С, днём 15—22°С, па паўночным усходзе да 23—27°С.
У нядзелю ўплыў цыклона аслабее, кароткачасовыя дажджы пройдуць толькі ў асобных месцах. Тэмпература паветра ноччу складзе 6—13°С, днём 15—22°С, па поўдні да 24°С.
У Гродне і Брэсце ў найбліжэйшыя суткі без істотных ападкаў, у начныя і ранішнія гадзіны слабы туман. Тэмпература паветра ноччу 11—13°С, днём 20—22°С.
У Гомелі прагназуецца кароткачасовы дождж, магчыма навальніца, тэмпература паветра ноччу 15—17°С, днём 24—26°С.
У Магілёве і Віцебску ноччу без істотных ападкаў, днём чакаецца кароткачасовы дождж, магчыма навальніца. Тэмпература паветра ноччу 14—16°С, днём 24—26°С.
У Мінскай вобласці прагназуецца пераменная воблачнасць, ноччу месцамі, а днём на большай частцы тэрыторыі кароткачасовыя дажджы, у асобных раёнах навальніцы. У начныя і ранішнія гадзіны чакаецца слабы туман. Тэмпература паветра ноччу 11—16°С, днём 21—26°С.
У Мінску таксама чакаецца пераменная воблачнасць, кароткачасовы дождж, магчыма навальніца. Тэмпература паветра ноччу 13—15°С, днём 22—24°С.
