На фестывалі фаер-шоу ўдзельнікі адпальвалі нягледзячы на дождж У гэтыя выхjдныя на мінскім стадыёне «Трактар​​" праходзіць Міжнародны фестываль вогненнага шоу. Ён сабраў на адной сцэне лепшыя вогненныя тэатры Беларусі, Украіны, Расіі, Польшчы і Літвы. 6

Удзельнікі каманды «Маоры» рыхтуюцца да выступлення.

З-за надвор’я пачатак перанеслі на паўтары гадзіны. Удзельнікі фестывалю чакаюць у фае.

Нягледзячы на дождж, гледачоў сабралася даволі шмат.

Першая частка — т.зв. «фаер-батлы».

Мінскі тэатр «Магратэя».

Выступленне гасцей з Масквы.

Беларускі тэатр «Маоры».

За некалькі дзён да пачатку фестывалю сіноптыкі абвясцілі штармавое папярэджанне, але арганізатары запэўніваюць: мерапрыемства адбудзецца ў любое надвор'е! Так яно і атрымалася, праўда, у першы дзень перачакаць дождж усё ж-такі прыйшлося. Таму першыя артысты выйшлі на сцэну са спазненнем амаль на паўтары гадзіны.

«Мінскі фаер-фэст - 2013" — выбітны шанец убачыць паўнавартаснае шоу агню ў выкананні лепшых творчых калектываў з Беларусі і краін-суседак. Мінскі фестываль ладзяць другі год запар, ён працягваецца два дні — 24 і 25 траўня, у ім прымаюць удзел больш за 70 удзельнікаў з розных краін свету. Усе выступы праходзілі пад музычнае суправаджэнне ў розных жанрах: сярэднявечча, рамантыка, хард-рок, сольныя выступы і інш.

Настасся Храловіч, фоты аўтара

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ