«Варта было прадставіцца італьянцам, як стаўленне беларусак тут жа змянілася» 143

«У мяне ёсць сябар — напалову грузін, — расказаў на сайце «Нашай Нівы» Антось. — Ён звычайны такі хлопец. У яго бацька беларус, а маці грузінка і, дарэчы, па-беларуску ён выдатна гаворыць. З дзяўчатамі ў яго не вельмі ўдавалася, бо тоўсты. Але я знайшоў спосаб яму дапамагчы: прапанаваў прадстаўляцца італійцам. Зрабілі некалькі якасных фотаздымкаў, запілілі старонку ва ўсім вядомай сацыяльнай сетцы, сябар вывучыў некалькі сказаў на італійскай, натрэніраваў акцэнт. Нарэшце павалакліся на тусоўку. І што вы думаеце? Усё спрацавала выдатна: у тую ноч сябрук першы раз за свае 21 гады бавіўся з дзяўчынай.

Выснова: калі ты вэнджаны іншаземец, табе не патрэбныя мазгі, мускулы ці хата з грашыма, бо 95% беларускіх дзевак скокнуць на твой гак, толькі свісні», — гэтак рэзка выказваецца Антось.

З усіх эканамічна непаспяховых рэгіёнаў свету людзі перацякаюць у заможныя. Прычым выязджаюць звычайна самыя энергічныя і паспяховыя. Але і самыя прыгожыя таксама часцей выкарыстоўваюць свой шанец. Факт, што беларускі часцей выходзяць замуж за іншазмецаў, чым беларусы прывозяць сабе жонак з іншых краёў. «Сэ ля ві» ці гістарычная несправядлівасць? Ці выпадае гэтую праблему разглядаць праз прызму нацыянальнага інтарэсу, ці можна сказаць, што гэта «непатрыятычна» ці «гандаль сваім целам»?

Сямён Цыбульскі

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ