Найбуйнейшае выданне Польшчы Gazeta Wyborcza звярнула ўвагу на праблему ля польскіх консульстваў у Беларусі. Па падліках газеты, летась беларускія хакеры зарабілі некалькі мільёнаў даляраў, блакуючы электронную сістэму рэгістрацыіЕ-konsulat і дапамагаючы зарэгістравацца на атрыманне візы.
Паводле інфармацыі газеты ў праблеме замяшаныя і беларускія спецслужбы. Супрацоўнік польскага МЗС Марцін Басацкі прызнаў, што ім добра вядома пра гэтую праблему, але беларускі бок адмаўляецца ад супрацоўніцтва, таму ў справе выдачы візаў пакуль нельга чакаць зменаў.
Сп. Басацкі адзначыў, што Польшча штогод выдае 350 тыс. віз беларусам, такім чынам кожны консул штодня выдае па 110 візаў. А на павелічэнне колькасці консулаў беларускія ўлады не пагаджаюцца.
Зменшыла б попыт і адкрыццё малога памежнага руху, пагадненне аб якім блакуе беларускі бок, мяркуе Басацкі і прыводзіць прыклад Украіны, дзе наяўнасць новых консульстваў у Адэсе, Вінніцы, Севастопалі істотна зменшылі чэргі.
Супрацоўнік МЗС абверг чуткі пра тое, што быў узламаны сэрвісE-konsulat .
«Узлому сэрвісу МЗС не было. Ніякія дадзеныя не былі скрадзеныя. Ведаем затое, што генеруюцца шматлікія скрыпты, дасылаецца на сэрвэр мноства запытанняў, што ускладняе працу.
Не маем непасрэдных доказаў, што дзейнічаюць арганізаваныя групоўкі, але калі тэрміны на візіты прадаюцца, дык можам так сцвярджаць.Мы змагаемся з гэтым. Павялічваем прапушчальнасць
Басацкі таксама рашуча адкінуў чуткі пра хабарніцтва ў польскіх консульствах.
«Няма доказаў. Усе консульствы кантралююцца. Па логіцы: калі б выдача візы залежыла аб хабару, дык было б больш адмоваў.Консульствы ўскладнялі б умовы атрыманне візы, каб прымусіць да хабару. Тымчасам адмовы мінімальныя, а лічба візаў расце».
