27 чэрвеня адзначае свой 52-гі дзень нараджэння лідар Аб'яднанай грамадзянскай партыі Анатоль Лябедзька. Напярэдадні гэтага часавага рубяжу БелаПАН вырашыў пратэставаць фізічныя кандыцыі палітыка, які пару месяцаў таму ў Фейсбуку меў неасцярожнасць заўважыць, што штодзённа загартоўвае арганізм сілавымі практыкаваннямі, у чым лёгка дасць фору многім сваім равеснікам і калегам.
Днямі відэааператар БелаПАН ажыццявіў ранішні мацыён з Анатолем да яго любімага турніка непадалёк ад вадасховішча Дразды, дзе Лябедзька прадэманстраваў свой стандартны комплекс сілавой гімнастыкі на ўсе групы мышц. Трэба сказаць, лідар АГП уразіў і аператара, і іншых супрацоўнікаў інфармагенцтва сваёй выдатнай фізічнай формай. Прычым, заўважым, што гэтыя штодзённыя практыкаванні былі не самакатаваннем для апазіцыйнага лідара, а сапраўды "мышачнай радасцю".
З днём нараджэння, Анатоль Уладзіміравіч! Так трымаць!
І пачынаем працаваць над сабой…
0
0
0
0
0
0
