Беларусь гатова пашыраць супрацоўніцтва з Лаосам у розных сферах. Аб гэтым сёння ў Мінску на перагаворах у вузкім складзе з прэзідэнтам Лаоса Цюмалі Сайнясонам заявіў Аляксандр Лукашэнка.
Як адзначыў Лукашэнка, ва ўмовах цяперашняй глабалізацыі ў свеце ўжо не прынята гаварыць аб геаграфічнай аддаленасці тых ці іншых краін. "Сёння такія адлегласці пераадольваюцца вельмі хутка. Таму нам няма чаго наракаць на тое, што Беларусь і Лаос раз'ядноўваюць тысячы кіламетраў, а трэба наладжваць супрацоўніцтва. Спецыялісты і міністры намецілі шляхі нашага супрацоўніцтва. Нам трэба будзе больш хуткімі тэмпамі рухацца гэтымі шляхамі", - сказаў Аляксандр Лукашэнка.
. "Для гэтага ёсць сур'ёзная аснова. З боку беларусаў абсалютна няма ніякіх прадузятасцей адносна лаоскага народа. Наадварот, мы добра ведаем яго гераічную барацьбу за незалежнасць. У нас вельмі цёплыя пачуцці адносна вашай краіны. На гэтай аснове трэба наладжваць гандлёва-эканамічнае супрацоўніцтва", - сказаў Лукашэнка.Лукашэнка адзначыў, што тавараабарот паміж краінамі зусім невялікі, а таму неабходна актывізаваць супрацоўніцтва ва ўсіх сферах
Акрамя таго, Аляксандр Лукашэнка адзначыў добрыя перспектывы развіцця ўзаемадзеяння ў галіне навукі і адукацыі, ваенна-тэхнічнага супрацоўніцтва і па іншых напрамках, якія цікавяць лаоскую дзяржаву і грамадства.
У сваю чаргу Цюмалі Сайнясон падкрэсліў, што ў Лаосе Беларусь лічаць блізкім сябрам. Ён адзначыў эканамічнае развіццё Беларусі і рост дабрабыту народа.
На думку Прэзідэнта Лаоса, пагадненні, запланаваныя да падпісання ў ходзе візіту, пасадзейнічаюць развіццю двухбаковых сувязей у розных сферах.
